o ollo da vaca

30-11-2007

non confundir cun político (gelman)

afinal foi para gelman.

este xornal, do que é columnista, ofrece material interesante para ler sobre este poeta arxentino.

pero, sobre todo, paga a pena mergullar nesta páxina onde hai dispoñíbel moita obra súa (literaria e xornalística).

Llena de signos y de árboles,
ella cruza la noche como un fuego o un río,
asciende en el silencio y la memoria,
es infinita como un hecho,
la existo, la conduzco, yo soy su certidumbre.

remoeuno así o ollo da vaca ás 11:13 na sección sen clasificar
» 2 remoementos adicionais

29-11-2007

non confundir cun prognóstico (cervantes)

hoxe fállase o cervantes e na nómina de candidatos hai moitos poetas.

dos que o artigo anteenlazado dá como favoritos, quédome con blanca varela.

descartados os españois por aquilo da alternancia.
descartado benedetti, poeta para adolescentes.
gelman paréceme irregular. ten momentos sublimes, outros fánseme monocordes.

o dito, quédome con varela:

A Rose Is A Rose

inmóvil devora luz
se abre obscenamente roja
es la detestable perfección
de lo efímero
infesta la poesía
con su arcaico perfume

remoeuno así o ollo da vaca ás 5:35 na sección sen clasificar
» 7 remoementos adicionais

non confundir con ideas (triste política)

que a política se convertise nun negocio (douche unha ministra e ti dásme catro competencias) é triste. pero é o que hai.

se queres xogar o xogo (se queres ter representación no parlamento, etcétera) hai que saber como son as regras e adaptarse.

hai moito tempo que a política non é cousa de principios nin de ideoloxías ou mesmo de ideas. triste pero real.

remoeuno así o ollo da vaca ás 1:03 na sección sen clasificar
» non hai remoementos adicionais

28-11-2007

non confundir con ciúmes (lambidas)

igual das vacas non se aproveita todo como dos cochos. pero seica temos utilidaes insospeitadas!

remoeuno así o ollo da vaca ás 6:46 na sección sen clasificar
» non hai remoementos adicionais

26-11-2007

non confundir un plaxio (para nada!)

este conto de fadas con final feliz que sae na voz de galicia de hoxe, está contado de modo sospeitosamente parecido a como se contaba na edición do 26 de agosto (!) destoutro xornal arxentino.

xa o comentaba en privado estes días que mandei unha nota de prensa e os xornais case que se limitaron a transcribila tal como ía e, nalgún caso, a reinterpretala sen saber do que estaban a falar...

e despois case que hai que agradecerlles a transcrición, que podían ignorar o asunto.

eu así tamén quero ser xornalista.